Pendekar

Pohon Bambu di Kedu - 28 Desember 2021

Pendekar niku pandingane akar

Akar niku oyot, tansoyo oyote kuat, tansoyo ugi wite gede utowo duwur, tansoyo gede awake keno angin

Angin sing alus rasane koyo lagi di elus-elus

Yen di elus tansoyo penak, tansoyo angler

Ning, angin sing gede koyo dene blabut di kebut-kebutke

Rontok kabeh sing temempel

Nanging, durung mesti sing temempel niku kabeh barang apik

Yen sing apik biasane ora bubar mergo ambyar

Ambyar mung sawijining coro lan dudu pungkasan

Pungkasan iku yen wes ketemu pati

Senajan pati ora ono wong sing ngerti

Yen ono sing ngerti, niku mesti boten tiang sekti

Tiang sekti niku mèndêl tur kèndêl

Boten ndisiki pinesthine Gusti